काठमाण्डौ, २८ बैशाख २०८१ ।
सुनकाे भाउ आज एकै दिन तोलामा दुई हजार तीन सय रुपैयाँले बढेको छ । केहि दिन देखि सुस्त भैरहेकाे सुनकाे भाउ एकैदिन फेरि ह्वात्तै बढेकाे हाे ।
आज सुनको भाउ तोलाको एक लाख ३७ हजार नाै सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको एक लाख ३५ हजार ६ सय रुपैयाँ रहेको थियो । पछिल्लो समय सुनचाँदीको भाउमा उतारचढाव भइरहेको छ ।
त्यस्तै आज चाँदीको भाउ पनि बढेको छ । चाँदीको भाउ तोलामा ५० रुपैयाँले बढेर एक हजार सात सय ३५ रुपैयाँ पुगेको छ । मूल्य बढेपछि बजार भने सुस्ताएकाे छ ।
